By: Pary LEEVATOU
STEM ຫຍໍ້ມາຈາກ science, technology, engineering and mathematics ນໍາໃຊ້ທໍາອິດແມ່ນຢູ່ປະເທດ ສະຫະລັດອາເມລິກາ ແລະ ປັດຈຸບັນໄດ້ມີຫລາຍປະເທດທີ່ໄດ້ນໍາເອົາ ຮູບແບບການຮຽນ ແລະ ການສອນນີ້ເຂົ້າໄປນໍາໃຊ້ແລ້ວຕົວຢ່າງເຊັ່ນ: ປະເທດຫວຽດນາມ ປີ 2015 ໂດຍກະຊວງວິທະຍາສາດ ແລະ ເຕັກໂນໂລຢີ, ປະເທດ ຮົງກົງ ປີ 2015, ປະເທດ ກາຕ້າ, ຫຼາຍປະເທດໃນຢູລົບ ແລະ ອື່ນໆ. ເຊີ່ງ STEM ແມ່ນຮູບແບບການຮຽນຮູ້ຮູບແບບໃໝ່ທີ່ນໍາເອົາ ສີ່ ວິຊາມາປະສົມປະສານ ແລະ ນໍາໃຊ້ເຂົ້າໃນການຮຽນ ແລະ ການສອນໃນຮູບແບບໃໝ່, ຊ່ວຍໃຫ້ເດັກໄດ້ມີວິວັດທະນາການຄວາມຄິດທີ່ເປັນຮູບປະທໍາຫຼາຍຂື້ນໂດຍຜ່ານການເຮັດຕົວຈິງ. STEM ຍັງຊ່ວຍໃຫ້ພວກເຂົາໄດ້ມີສ່ວນຮ່ວມກັບການສຶກສາຂອງເຂົາເຈົ້າ ແລະ ໄດ້ຮັບຜົນລັບທີ່ດີມາຈາກສີ່ງທີ່ໄດ້ລົງມືເຮັດ, ໄດ້ສໍາພັດ ໂດຍທີ່ພວກເຂົາຈະໄດ້ຮຽນຮູ້ດ້ວຍການປະກອບສ້າງ, ຄົ້ນຄິດ, ອອກແບບ, ຄິດໄລ່ໄປໃນຕົວ. ນອກຈາກນັ້ນແລ້ວນັກຮຽນຍັງໄດ້ເຂົ້າໃຈ ແລະ ຮຽນຮູ້ດ້ວຍຫຼາຍທັກສະນະຮ່ວມກັນດັ່ງນີ້:
- Collaboration (ການຮຽນຮູ້ຮ່ວມກັນ)
- Communication ( ທັກສະການສື່ສານທີ່ດີ)
- Critical Thinking (ຮູບແບບການຄິດທີ່ນອກຄອບ)
- Creativity (ແນວຄວາມຄິດສ້າງສັນ)
- Problem solving
- Teamwork
- Independent thinking
- Initiative and digital literacy.
ການຮຽນຮູ້ໃນຮູບແບບນີ້ນອກຈາກຈະຊ່ວຍໃຫ້ນັກຮຽນມີທັກສະ ແລະ ຄວາມສາມາດທີ່ດີແລ້ວຍັງຊ່ວຍເສີມສ້າງທັກສະຂອງຜູ້ສອນໂດຍການຝຶກອົບຮົມເພີ່ມເຕີມຄວາມຮູ້ໃນວິທະຍາສາດ, ຄະນິດສາດ ແລະ ເຕັກໂນໂລຢີອີກດ້ວຍ. ນອກຈາກນີ້ແລ້ວການພັດທະນາເດັກນ້ອຍເລີ່ມຕົ້ນໄວອາຍຸທີ່ຍັງນ້ອຍແມ່ນໜື່ງໃນວິທີການທີ່ຊ່ວຍພັດທະນາໃຫ້ເຂົາເຈົ້າຄ່ອຍໆຮຽນຮູ້ໃນສີ່ງທີ່ມັກມີຄວາມຮັກ ແລະ ມັກໃນດ້ານໃດດ້ານໜື່ງແທ້ໆກ່ອນຈະນໍາເອົາໄປຕໍ່ຍອດ, ຮຽນຮູ້ຕໍ່ໃນສາຍລະດັບມະຫາວິທະຍາໄລ ເພາະວ່າຖ້າຫາກວ່າເດັກນ້ອຍໄດ້ຊອກຫາສີ່ງທີ່ມັກ ແລະ ສີ່ງທີ່ຢາກຮຽນຮູ້ແລ້ວຈະເປັນການດີ ແລະ ແນວທາງທີ່ດີ ຫຼື ເອີ້ນ ອີກຢ່າງໜື່ງຄືການຊອກຫາຕົວເອງ, ສີ່ງທີ່ຕົວເອງຖະນັດ, ກະກຽມກ່ອນເຂົ້າສຶກສາຕໍ່ລະດັບສູງ.
ທັງໝົດນີ້ເປັນການນິຍາມພຽງສ່ວນໜື່ງ ຂ້າພະເຈົ້າໄດ້ຂຽນບົດຄວາມນີ້ເພື່ອໃຫ້ນິຍາມຂອງຄໍາວ່າ STEM ເທົ່ານັ້ນ ແລະ ບາງຢ່າງເປັນພຽງແນວຄວາມຄິດຂອງຂ້າພະເຈົ້າຖ້າຜິດພາດປະການໃດຂ້າພະເຈົ້າຕ້ອງຂໍໂທດ ແລະ ຂໍອາໄພອີກດ້ວຍ, ຂໍ້ມູນແມ່ນມາຈາກ https://en.wikipedia.org/wiki/Science,_technology,_engineering,_and_mathematics
#STEM #Education
