ອາການທໍາອິດຂອງການຕິດໜັງ:)

ຂ້າພະເຈົ້າທົດລອງໃນການເບິ່ງຫນັງໂດຍທີ່ນໍາໃຊ້ໂທລະສັບເປັນເຄື່ອງມືທີ່ອໍານວຍໃຫ້ ແລະ ເບິ່ງດ້ວຍຄວາມຕັ້ງໃຈ, ຕ້ອງຈັບໂທລະສັບເກືອບ 24 ຊົ່ວໂມງ ແລະ ອາການຂອງຄົນເບິ່ງໜັງອາດຈະບໍ່ຄືກັນແຕ່ລະຄົນ ແຕ່ສໍາລັບຕົວຂ້າພະເຈົ້າແລ້ວມີອາການດັ່ງລຸ່ມນີ້:

1. ບໍ່ຢາກນອນເພາະຢາກເບິ່ງໃຫ້ຈົບ ແນ່ນອນຖ້າຮູ້ຕອນເລີ່ມຕົ້ນກໍ່ຕ້ອງຢາກຮູ້ຕອນສຸດທ້າຍ ຮາຮາຮາ.
2. ຕ້ອງສາກເເບັດເຕີລີ່ໄປພ້ອມໃນເວລາເບີ່ງ ເຊີ່ງເປັນຜົນເສຍ ແລະ ອັນຕະລາຍ.
3. ບໍ່ຍອມໄປໃສຢາກຢູ່ກັບທີ່ ແລະ ບ່ອນທີ່ມີ WIFI ສະດວກໃຫ້ເທົ່ານັ້ນ.
4. ນອນເດິກ ແລະ ຕື່ນສວຍ ເພາະ ບໍ່ຈົບບໍ່ຢາກນອນ.

ດັ່ງທີ່ເວົ້າມາຂ້າງເທິງນັ້ນເປັນພຽງອາການທີ່ເຮົາສາມາດເຫັນ ແລະ ສໍາພັດໄດ້ເທົ່ານັ້ນ ແຕ່ສີ່ງທີ່ສໍາຄັນຄືການກະທໍາສີ່ງດັ່ງກ່າວນັ້ນມັນມີຜົນເສຍຕໍ່ກັບສຸຂະພາບເປັນຢ່າງຍິ່ງເລີຍທີດຽວເລີຍເຊັ່ນ: ໂລກຊືມເສົ້າ, ຫງວ່ງນອນຍາມເຊົ້າ, ສະໝອງເລີ່ມຈໍາຫຍັງບໍຄ່ອຍໄດ້ດີ, ສິວຂື້ນ… ການທີ່ຕິດຫຍັງເຂົ້າໄປບໍ່ຮູ້ບໍລິຫານຈັດການມັນ ອາດຈະພາໃຫ້ເກີດຜົນເສຍຕໍ່ສຸຂະພາບຫລາຍ ແຕ່ຂ້າພະເຈົ້າບໍ່ໄດ້ຫມາຍຄວາມວ່າການຕິດຫນັງແມ່ນບໍ່ດີ ມັນບໍ່ແມ່ນເລີຍ ແຕ່ເຮົາຕ້ອງ:

“ແບ່ງເວລາໃຫ້ເປັນ ກ່ອນຈະຕິດຫຍັງລົງໄປ” ຕ້ອງຮູ້ວ່າເວລາໃດຄວນພັກຜ່ອມ ແລະ ເວລາໃດຄືເວລາເບິ່ງໜັງນິ່ເອງ.