ບໍ່ມີເປົ້າໝາຍໃນຊິວິດ ຫຼື ບໍ່ຮູ້ວ່າເປົ້າໝາຍຊີວິດແມ່ນຫຍັງ?

ຂ້ອຍເລີ່ມຕົ້ນໃນການທີ່ຈະຂຽນ Blog ແຕ່ຂ້ອຍຊໍ້າພັດບໍ່ຮູ້ເລີຍວ່າຊີຂຽນຫຍັງດີ, ຕ້ອງເລີ່ມຈາກໃສ, ຊີເອົາເລື່ອງໃດມາເວົ້າ ແລະ ທີ່ສໍາຄັນຂ້ອຍຍັງຄິດບໍອອກວ່າຕ້ອງການຂຽນຫຍັງ ສຸດທ້າຍຄວາມຄິດນ້ອຍໆກໍ່ປາກົດໃນຫົວວ່າ ‘ ຖ້າບໍເລີ່ມລົງມືຂຽນມື້ນີ້ ແລ້ວມື້ໃດເຈົ້າຈື່ງຊີຂຽນໄດ້ ’

ໃນຊີວິດຄົນຄົນໜື່ງເມື່ອເຮົາຍັງບໍມີເປົ້າໝາຍທີ່ຊັດເຈນ ຫລື ແນ່ນອນໃນຊີວິດ ກໍ່ຈົ່ງເຮັດໃນສີ່ງທີ່ເຮັດແລ້ວມີຄວາມສຸກ ແລະ ຮຽນຮູ້ກັບມັນຊໍ້າແລ້ວຊໍ້າອີກ, ຂ້ອຍຄິດວ່າຫຼາຍຄົນໂດຍສະເພາະນັກສຶກສາບາງຄົນເຂົ້າມາຮຽນໃນຮົ້ວມະຫາໄລແຕ່ຍັງບໍ່ຮູ້ເລີຍວ່າຮຽນໄປເພື່ອຫຍັງ, ເປັນຫຍັງຕ້ອງຮຽນ, ຫລັງຈາກຮຽນຈົບຊີເຮັດວຽກ ຫຼື ຊີເຮັດແນວໃດຕໍ່ໄປ, ມີອາຈານທ່ານໜື່ງກ່າວໄວ້ວ່າ: “ຫາກຍັງບໍ່ຮູ້ເປົ້າໝາຍໃນຊີວິດ ກໍ່ຈົ່ງຮູ້ຈັກແບ່ງເວລາໃນຊີວິດໃຫ້ຊັດເຈນ”